自從嘍囉學識用縲絲後，所有可以拆得開的玩具都難逃嘍囉的魔掌，被肢解研究一番。好彩的話就可以回復原狀，唔好彩的話，佢地個死狀會留係嘍囉腦海當中，作為日後再作肢解研究時的參考資料。由於嘍囉有這種不斷追求科學真理的執著，所以從小就被親友冠以「博士」的稱號。
日前租界內的一張高貴的油壓椅慘遭玩弄至失去了一條手臂，嘍囉當然唔會錯個難得可以研究研究的機會，正所謂「整得好固然有面，整唔好又唔會輸錢」，等到夜深人靜時對其進行整形手術。不愧為身價950美元，單單一條手臂都落左唔少重料，整條手臂的活動結構幾乎全部由鋼鐵組成，而用作鎖緊高度的旋轉組件更用上的鋼珠軸承，唔怪得之轉動時緊得黎又唔會鎖死。還原過程更唔洗用上任何工具，可見在設計上花左唔少心思。
嘍囉雖然好欣賞呢張油壓椅，可惜屋企太細放唔落，唯有做其租界奴才，可以一日八個鐘頭坐係上面。
沒有留言:
發佈留言