東京攻略2008─準備篇(一)

同Yiu講左再去日本成十年，今年終於都成事喇。之前唔係夾唔到時間，就係冇錢去唔成，今次Yiu鎖定左以Tokyo Game Show為目標，大家有左個大方向，再慢慢擴展，最後草擬出一個未出發先興奮的行程。

要由零開始計劃一個行程，真係一d都唔容易，唔怪得知香港人咁鍾意跟團去旅行。由於銀彈有限，加上大家都要返工，所以就以7日為限，加上要就Yiu返工，因此決定星期六出發，星期五回程，咁樣請5日假就搞掂。

至於行程方面，當然係以TGS為中心啦，加上Yiu又想去三鷹美術館，咁就定左兩日的行程。難得去到日本，囉嘍希望能夠在當地睇一次Super Robot Spirits之類的演唱會，咁啱撞到有《水木一郎‧堀江美都子 二人的Anisong #6》在東京舉行，嘍囉當然提議Yiu有冇辦法可以買到飛，好在最後得到在日本的友人幫助，成功買到飛，雖然係坐山頂，不過嘍囉已經十分滿足。而去秋葉原掃貨當然係不可少，咁樣大部份行程就決定左，由無從入手變成十分期待快d出發，你話幾咁神奇呢。