香港書展2007

話說今日在灣仔考完日文試，順道到會展參觀書展。唔知係好彩定唔好彩，到達會展時約是12時45分，正好遇上想趕在下午1時前用$10入場的人群，雖然可以慳返15銀，不過見到個個趕頭趕命咁，覺得做香港人實在十分辛苦，連睇書呢d休閒活動都要出盡全力咁去搏殺。

今次書展主辦單位可曾經向敵視你取經，將排隊文化發揮得淋漓盡致。相信整個會展能動用的空間資源都被用作排隊之用，人龍九曲十三彎，經過消防樓梯，上天入地。每當你穿過個關口，以為到達展場時，才發現前面還有一條長龍等待著你。估計嘍囉今日排隊時所走的路，長過我在展場中所走的路程。雖然走的路很多，但全程冷氣開放，總好過在會展外暴曬。而人龍差不多全部收入會展內，對附近的交通影響大大減少，這也不失為一個好的安排。

今日專程走到小渣渣的攤位，希望一睹Nancy姐姐的風彩，不過可能伊人時運高，嘍囉無緣相見。

可惜遇不上教授，無緣取得簽名。

好書一本，內容非常有趣。唔講你唔知，好多粗口都被誤用了。

唯一找得到的目標，七折。

見八折，遲早都要用，入定先。

應該已經買左日文版，不過隻game買左中文版，咪買多本囉。

咁冷門都出DVD，唔支持下點得呀！

見平先買，當年日版可算經典，一年先出一集，橫山光煇作品人物大玩cross over，結局出人意表。