好熱，影左幾張就全身濕哂，頂唔順要走人。都係等秋天先再玩過。
遲左一日，冇咁圓。
實驗失敗之作。
2007-07-31
2007-07-22
香港書展2007
話說今日在灣仔考完日文試，順道到會展參觀書展。唔知係好彩定唔好彩，到達會展時約是12時45分，正好遇上想趕在下午1時前用$10入場的人群，雖然可以慳返15銀，不過見到個個趕頭趕命咁，覺得做香港人實在十分辛苦，連睇書呢d休閒活動都要出盡全力咁去搏殺。
今次書展主辦單位可曾經向敵視你取經，將排隊文化發揮得淋漓盡致。相信整個會展能動用的空間資源都被用作排隊之用，人龍九曲十三彎，經過消防樓梯，上天入地。每當你穿過個關口，以為到達展場時，才發現前面還有一條長龍等待著你。估計嘍囉今日排隊時所走的路，長過我在展場中所走的路程。雖然走的路很多，但全程冷氣開放，總好過在會展外暴曬。而人龍差不多全部收入會展內，對附近的交通影響大大減少，這也不失為一個好的安排。
今日專程走到小渣渣的攤位，希望一睹Nancy姐姐的風彩，不過可能伊人時運高，嘍囉無緣相見。
今次書展主辦單位可曾經向敵視你取經，將排隊文化發揮得淋漓盡致。相信整個會展能動用的空間資源都被用作排隊之用，人龍九曲十三彎，經過消防樓梯，上天入地。每當你穿過個關口，以為到達展場時，才發現前面還有一條長龍等待著你。估計嘍囉今日排隊時所走的路，長過我在展場中所走的路程。雖然走的路很多，但全程冷氣開放，總好過在會展外暴曬。而人龍差不多全部收入會展內，對附近的交通影響大大減少，這也不失為一個好的安排。
今日專程走到小渣渣的攤位，希望一睹Nancy姐姐的風彩，不過可能伊人時運高，嘍囉無緣相見。
可惜遇不上教授，無緣取得簽名。
好書一本，內容非常有趣。唔講你唔知，好多粗口都被誤用了。
唯一找得到的目標，七折。
見八折，遲早都要用，入定先。
應該已經買左日文版，不過隻game買左中文版，咪買多本囉。
咁冷門都出DVD，唔支持下點得呀！
見平先買，當年日版可算經典，一年先出一集，橫山光煇作品人物大玩cross over，結局出人意表。
考完試
今日終於都考完試喇！
由試場的空位所見，只有約一半人能堅持到考試，香港人真富有，三千九銀咁就Let it be。
係呢個開口閉口都講增值的社會，銷售教育服務真係一門賺錢的生意，唔怪之得HKU SPACE年尾會係美孚開多個新教學中心。
試場在三樓，由地下行上去，要經過一條樓梯。木製的扶手，沈實的色調，很有學院的氣氛，令我想起從前幼稚園高班和小一時，每朝早上學都要經過一條長長的樓梯，當時我就讀的是在葵通禾宜合道的衛文中學。
說回考試，分筆記和聽解兩部份，筆記考試時間長90分鐘，佔95%分數；聽解考試時間長30分鐘，佔5%分數。十時開考，筆記考試完後休息30分鐘，然後是聽解考試。嘍囉讀書不用功，要合格應該無問題，至於能否取得優良就要看運氣了。
約12時35分可以離開，難得過海去到灣仔，之後當然要順道去埋會展睇書展啦。
由試場的空位所見，只有約一半人能堅持到考試，香港人真富有，三千九銀咁就Let it be。
係呢個開口閉口都講增值的社會，銷售教育服務真係一門賺錢的生意，唔怪之得HKU SPACE年尾會係美孚開多個新教學中心。
試場在三樓，由地下行上去，要經過一條樓梯。木製的扶手，沈實的色調，很有學院的氣氛，令我想起從前幼稚園高班和小一時，每朝早上學都要經過一條長長的樓梯，當時我就讀的是在葵通禾宜合道的衛文中學。
說回考試，分筆記和聽解兩部份，筆記考試時間長90分鐘，佔95%分數；聽解考試時間長30分鐘，佔5%分數。十時開考，筆記考試完後休息30分鐘，然後是聽解考試。嘍囉讀書不用功，要合格應該無問題，至於能否取得優良就要看運氣了。
約12時35分可以離開，難得過海去到灣仔，之後當然要順道去埋會展睇書展啦。
嘍囉買左好多Cospa T，有咩大日子就會開件新衫出黎著，今次考試兼書展，就開左件《民明書房》黎應應節。
2007-07-20
2007年度日語能力考試
2007年度的日語能力考試(Japanese Language Proficiency Test)將於12月2日(星期日)舉行，香港區考生可於8月20日至8月31日到香港報名中心報名，報名費用為HK$360，只接受支票或銀行本票。網上報名期間為8月1日至8月20日。而於7月21日至7月27日期間，考生可於網上模擬報名，嘗試整個報名程序。
詳情請參閱有關網頁：http://www.japanese-edu.org.hk/noken07c.htm
詳情請參閱有關網頁：http://www.japanese-edu.org.hk/noken07c.htm
2007-07-17
追、渣、沽。
終於都收到小渣渣了。
因為把郵局的掛號通知漏在信箱，害得小渣渣要在郵局多逗留了幾天。
很佩服渣老闆，不單只在BLOG寫出精彩的文章，還自資將自已的BLOG出版成書，好野！
小渣渣將會在今年書展中正式公開發售，全球限量生產500本，有買就要襯手。
渣老闆的BLOG： 追揸沽：一個SME老闆對生命中精彩事物之「追求、擁有、與放手」既一輯蒙太奇
2007-07-15
2007書展目標
《山手線誕生－－經歷半世紀終連成一環的東京鐵路史》
作者：中村建治
出版社：共和媒體
ISBN：9789889944957
對於生在香港的嘍囉來說，環狀鐵路是很神奇的事物，很想知道它是如何誕生。
《香港天氣常識及觀測》
作者：方志剛，袁仲昇
出版社：花千樹
ISDN: 9789628884926
身為一個香港人，好應該了解一下所處之地的天氣常識。
《蝴蝶、斑馬與胚胎：探索演化發生學之美》
作者：西恩．卡洛
譯者：王惟芬
出版社：商周出版
ISBN：9861247742
嘍囉最愛問為何如此，演化生理學可以解釋生物為何發展至此。
《商業標準大戰：直流電/交流電》
作者：湯姆．麥尼可
譯者：張淑芳
出版社：財訊
ISBN：9789867084552
純粹想知道「偉大發明家」如何不擇手段想在制式之爭勝出，最後如何失敗收場。
《哲學的慰藉》
作者：Alain de Botton
譯者：林郁馨，蔡淑雯
出版社：究竟
ISBN：9576076226
很簡單，因為我很需要慰藉。
《新國富論─人類窮與富的命運》
作者：大衛‧藍迪斯
譯者：汪仲編者：柯淑芬
出版社：時報出版
ISBN：9571328235
富是否全因為努力，而窮是否全因為懶惰呢？作為一隻冇得食蜂王漿而成為小工蜂的嘍囉，眼看人類社會在蜜蜂化，很想知道人類命運的走向。
2007-07-13
紅豆冰與凍檸水
今日，嘍囉一如平日，在樓下間「巨型不知時日過」食午飯，食到無咩好食，隨便叫左個什扒飯跟燒汁。
正在用刀將牛扒和雞扒肢解時，鄰座的一對母子為左買紅豆冰與凍檸水的問題「熱烈地」對話著。
嘍囉橫眼望望，認出那位母親原來是在我住的大廈做清潔的，平日碰面時都會打招呼。
嘍囉一面「留意」他們的對話，一面將煎都乾哂o既牛扒放入口中。
原來靚仔唔鍾意飲跟餐個紅豆冰，要飲凍檸水，不過就唔滿意佢亞媽買飛時左問右問，左改右改，都唔肯分開order杯凍檸水比佢。
嘍囉心想，我靚仔時都係咁。
之後靚仔出左去囉餐，亞媽就無奈咁同身邊D朋友講：「又係個衰仔話鍾意落黎食...」
嘍囉靚仔時都好鍾意係呢間野度食架，仲最鍾意食什扒飯添！
「‧‧‧佢個餐杯紅豆冰唔改得嘛，咪改我o個杯做凍檸水，佢唔鍾意飲紅豆冰咪我飲囉，另外叫杯要9個半架嘛。」
呢個問題，我都係出左黎做野先至明白。
嘍囉將碟上最後一口飯混上燒汁放入口中，除了咸味之外，吃不出別的味道。
「點解我以前會咁鍾意食o既？」
這個迷，相信秋官加上迷女郎都不可能解答到。
突然想起，原來已經有一年多沒有食過嘍囉媽煮o既飯。
拿起電話，撥出一個有點陌生的號碼。
「喂，老媽子，今晚上你度食飯得唔得呀？」
正在用刀將牛扒和雞扒肢解時，鄰座的一對母子為左買紅豆冰與凍檸水的問題「熱烈地」對話著。
嘍囉橫眼望望，認出那位母親原來是在我住的大廈做清潔的，平日碰面時都會打招呼。
嘍囉一面「留意」他們的對話，一面將煎都乾哂o既牛扒放入口中。
原來靚仔唔鍾意飲跟餐個紅豆冰，要飲凍檸水，不過就唔滿意佢亞媽買飛時左問右問，左改右改，都唔肯分開order杯凍檸水比佢。
嘍囉心想，我靚仔時都係咁。
之後靚仔出左去囉餐，亞媽就無奈咁同身邊D朋友講：「又係個衰仔話鍾意落黎食...」
嘍囉靚仔時都好鍾意係呢間野度食架，仲最鍾意食什扒飯添！
「‧‧‧佢個餐杯紅豆冰唔改得嘛，咪改我o個杯做凍檸水，佢唔鍾意飲紅豆冰咪我飲囉，另外叫杯要9個半架嘛。」
呢個問題，我都係出左黎做野先至明白。
嘍囉將碟上最後一口飯混上燒汁放入口中，除了咸味之外，吃不出別的味道。
「點解我以前會咁鍾意食o既？」
這個迷，相信秋官加上迷女郎都不可能解答到。
突然想起，原來已經有一年多沒有食過嘍囉媽煮o既飯。
拿起電話，撥出一個有點陌生的號碼。
「喂，老媽子，今晚上你度食飯得唔得呀？」
2007-07-01
柒壹散步
由於大好人前特首董建華貫徹履行基本法，成功落實一國兩制的關係，每年的七月一日香港回歸紀念日，被賦予了另一重意義。七月一日被分割成兩部份，上午和晚上有親政府陣營舉行各式各樣的回歸紀念慶祝活動，而下午則有由民間發起，表達各式各樣訴求的遊行活動。
今朝放工回家，小睡數小時後，到達維園已經是三時半。一如以往，出了維園，穿過富豪酒店附近的一段路要花上近一小時。回到大街後，不同團體組織的攤檔出現眼前，大家用不同的手法表達自己的訴求，就象嘉年華會一樣，非常熱鬧精彩。在一片繁榮和諧背後，原來還有很多被忽視的問題等待解決。
最後，希望以後有朝一日，我們的國家領導人，可以留在香港度過七月一日的晚上。
今朝放工回家，小睡數小時後，到達維園已經是三時半。一如以往，出了維園，穿過富豪酒店附近的一段路要花上近一小時。回到大街後，不同團體組織的攤檔出現眼前，大家用不同的手法表達自己的訴求，就象嘉年華會一樣，非常熱鬧精彩。在一片繁榮和諧背後，原來還有很多被忽視的問題等待解決。
最後，希望以後有朝一日，我們的國家領導人，可以留在香港度過七月一日的晚上。
訂閱：
文章 (Atom)
