超人兄弟

作為一件老餅ACG愛好者，嘍囉當然認識咸蛋超人，雖然同Superman相比，佢地連條著係外面的底褲都冇埋，仲有圓潤的外形，一向都唔得嘍囉呢個機械迷的歡心。不過佢地成班兄弟家族大家庭呢個設定，對於無兄無弟，痴想可以一嚐父慈子孝的嘍囉來說，實在十分吸引。所以知道有呢套超人兄弟電影之後，一直都十分留意。

昨日在書展等到佢有特價，立即帶佢返屋企。雖然都係那種老套打怪獸救地球橋段，不過當中的戰鬥表現都能夠令嘍囉有驚喜，估唔到咸蛋超人都可以好似戰鬥機一樣打空戰dogfight。戲入面用到大量CG，雖然水準唔算一流，不過用來表現咸蛋超人的膠衫身軀的效果都算不差，整體來講嘍囉都十分滿意。片尾ending仲黎張全家福大合照，真係驚死我地呢班死老鬼食唔飽咁。