新春派膠指南

農曆新年快到了，又係嘍囉出動逗利是的時候。逗左三十幾年，有時都想試下派利是的滋味，不過一來無人願意同嘍囉一齊派，二來嘍囉都冇多餘錢去派，所以都係諗下就算。

派左多年利是的朋友，有冇覺得年年咁派好悶呢，嘍囉在此提供一個好「潮」的派利是方法。

大家有冇見過印有姓氏的利是封呢？嘍囉不是要大家用印有自己姓氏的利是封，而是印有大大個「膠」字的利是封，實行將派利是「派膠化」。

除左「膠」字之外，也可以用小丑神圖像代替，個人覺得雖然冇個「膠」字咁有氣勢，但係就比較含蓄，要潮人先會明白個中意義。

講完外表包裝，輪到講內容。有合適的利是內容才能夠突顯出「派膠」利是封的意義。

十元硬幣：「硬野」呢個名詞相信人人都知，但係配上「膠」字封就當堂唔同哂，即刻變成「硬膠」，派比你，即係話你係硬膠呀。

十元膠幣：「膠」字封內藏塑膠紙幣，係貨真價實的「真心膠」。

除此之外，特別係當你新年返工在office被三唔識七的同事「輪逗」的時候，可以將佢地當地一班排隊「乞膠」的膠友，相信派膠時心情一定會「愉快」很多。