被迫自己煮

因為早兩個月太過揮霍無度，今個月終於都有報應喇。為左唔動用緊急儲備(又稱穀種)，唯有慳得就慳，唔出街食，自己買野煮黎食。走入超級市場，十條豬腸粉都只係賣6個幾，出街食最少都要十銀野，再執一堆即食麵、蝦子麵、麵包，加埋罐頭、火腿，最後加多兩塊燒汁雞扒同幾個蘋果，都唔洗一舊水，咁就可以食成個星期，慳唔少呀。
返到屋企又到下午茶時間，蒸(唔係叮)幾條粉腸醫下肚，點知發現冇哂芝麻醬，唯有用花生醬頂住當先，不過多左醬入面d花生碎，食落都幾過癮。
到左晚餐時間，嘍囉準備食雞扒豉油王炒即食麵。先將雞扒煎好，唔洗落油，件扒會自動出油，先用猛火煎封兩面鎖住肉汁，再用慢火煎至金黃色就為之very good喇，然後再用煎出黎的油炒麵，可惜忘記了買椰菜，令到炒麵不夠完美。雞扒表面香脆，內面肉質還很嫩滑，全靠用隻靚鑊(中間有紅點o個隻呢)。之後再食個蘋果飲杯桂圓紅棗茶，咁就兩餐，成本唔洗廿銀。