女人唔會遇到的問題

最近在美租界小解時，發覺「企位」的自動沖水系統似乎失靈，每次也要按掣手動沖水。初時不以為意，但係無理由所有「企位」會同一時間失靈，由於嘍囉擁有無限的好奇心和抱有科學探究的精神，在小解時多手探一探紅外線感應器，發現能夠感應得到嘍囉的手掌。奇怪喇，唔通個「企位」當嘍囉係透明？再打量一下嘍囉所站立的位置，企正在十二碼點，唔係開緊角球，個感應器無埋由感應唔到我，再望一望心口，終於明白原因所在。原來嘍囉身穿黑色夜行裝，件衫吸收哂D紅外線，所以感應器無哂反應。話時話，乜個「企位」咁屎架。