試機 CASIO EXILIM EX-V8

  

BJT考試成績

幾經波折，今日終於收到了在六月時考BTJ的成績。原本預期有200點左右已經心滿意足，打開信封一看，竟然考到J3得351點，證明用多項選擇題來測試能力並非完全可靠。

原本成績早在8月尾經已寄出，不過嘍囉實在有大多包裹要收，結果將掛號信通知和另一件包裹搞亂了，以為已經收取所以沒有理會。今日打電話去查詢為何還未收到成績，才發現三星期前已經收到了掛號信通知，立即用左10分鐘飛身跑上山，趕在5點前去到郵局，剛好趕及在關門前到達。

以下就是罪魁禍首，比翼雙飛的百舌與隼。

東京攻略2008─器材篇(三)

大家的地圖3 + PSP with GPS Receiver

大家的地圖3是一套在PSP上運的的日本地圖軟件，之前的兩代嘍囉都有購入，可惜從來都無正式使用過，今次到了第三代，終於都機會讓其發揮功用。

前兩代最大的缺點，是因讀碟做成反應緩慢。今代可以選擇將地圖資料安裝在Memory Strick，改善了讀取的速度，使用時完全感覺不到讀取資料時做成停頓，實用性大幅提高。

第3代包含兩隻UMD，一隻用作運行，另一隻用作安裝。

PSP-290 GPS Receiver

PSP + GPS Receiver 的收納狀態。

PSP + GPS Receiver 使用狀態，注意要保持GPS Receiver的接收面在水平面。

地圖畫面。

最大比例的畫面，留意比例尺的長度。

支援GPS和Wifi定位功能，不過在香港未曾試過用GPS成功定位，估計是因定位功能只能在地圖範圍內(即日本)使用，希望不是因為GPS Receiver機件有問題。

可以透過Petemap網頁在地圖上加上注解，然後下載至memory strick使用。

10月13日嘍囉將會看演唱會的地點，日本益力多大廈內的益力多會堂。

第2代附送的PSP保護套，就算裝上了GPS Receiver都可以放入，還有放UMD和memory strick的間隔。

雖然大家的地圖3都有記錄軌跡的功能，不過考慮到電池使用時間長度和實際使用的方便程度，用輕巧的軌跡記錄器會更加方便。

賣身三年的最大收穫

已經被嘍囉姐認頭。

東京攻略2008─準備篇(二)

今朝去左旅行社取機票和酒店voucher，上星期招呼嘍囉的靚女唔喺度，得翻兩個姐姐(連嘍囉都可以叫姐姐的Orz)，差d想掉頭走人。對上一次搭飛機已經是九年前的事，當時仲有張正正式式，靚靚仔仔的機票，依家就用電子機票，只要個人到左機場櫃位講出個名就可以check-in，唔洗乜鬼嘢機票，今日在旅行社取的是一張印上機位資料的multi-ply紙，毫無美感可言。

今日順便劃埋機位，雖然之前已經做好哂功課，但都係中左招，話明要窗口位，姐姐竟然在回程時劃左行冇窗位過嘍囉(那一行的窗是封死了的)，好在嘍囉之後在網上對位時及時發現，立即打電話去改翻個有窗位。而起程時選擇左坐樓上，在駕駛倉後面即係近機頭位置，唔會被機翼防礙往窗外望的視線。

行程大綱已經初步定左：

• 第一天(土)：傍晚在酒店check-in後在池袋周圍行街；
• 第二天(日)：全日Tokyo Game Show！晚上再到東京塔；
• 第三天(祝)(健康體育節)：後樂園睇戰隊真人show，晚上再去益力多會堂睇水木一郎和堀江美都子《二人的ANISONG》演唱會；
• 第四天(火)：東京都心新宿澀谷四方遊走，傍晚回鄉探親；
• 第五天(水)：築地食早餐，下午再去三鷹(宮崎駿)美術館；
• 第六天(木)：星期四新game發售日，秋葉原！
• 第七天(金)：未定

現在只差未買三鷹美術館的入場劵，因為要等到10號先開始發售下個月的入場劵。

仆街

上個月得三十一日，唔知點解可以返左總共三十二更。

今個月有三十日，跟Roster的話會返二十七更。

不過以上並不算是什麼仆街的事。

今晚收工前跟同事吹多幾句水，遲左少少走，係穿梭巴士站等左兩個字車後，竟然黎左架滿座巴士，飛站而去。

仆街的是，等下班車要十分鐘，決定行路，但行左一半五分鐘後，竟然有班巴士係身邊經過。

更仆街的是，就算想搭的士都冇可能，你話係咪好仆街。

做乜要係處大到要搭穿梭巴士先可以離開嘅地方返工咁仆街。

雖然以上只係雞毛蒜皮的小事，但我依家負能量爆燈，係要咁仆街講到咁大，吹咩。

梳扶厘

上個星期日，猛虎莊莊主夫婦記掛住身處火星的嘍囉可能冇飯開，call左嘍囉落去地球開飯。唔係得佢夫婦二人關照，嘍囉呢個獨居老人係火星化左灰都冇人知道。

今次佢地又介紹d好野比嘍囉食，等嘍囉唔洗餐餐食快餐，兼且見識下地球美食。間餐廳位於一個新建成的商場，原地的工廠大廈一早已經冇左，真係火星方七日，地球已千年。查實嘍囉對食物冇咩要求同研究，至緊要大家食得開心高興就得，而通常最能令嘍囉有驚喜的，就係餐後的甜品，可以玩好多「花神」，就算係簡簡單單的普通花式，有時食落都會有驚喜。而當晚跟餐送的朱古力慕絲入口軟滑，相當不錯。不過還有莊主夫人推介的梳扶厘，嘍囉今次係第一次嘗試，好似係好簡單的焗起泡蛋白，但是加埋層焗至有點脆表皮，口感一流，真係要多謝猛虎莊莊主夫婦的好介紹。