日語課程完成

為期四十個星期，總共一百二十小時的日語入門課程終於在今晚結束了，剩下來的就只有在7月22日舉行的終期考試，如無意外應該能順利通過。另外，為了要申請持續進修基金，還要在十二月舉行的日語能力測試取得4級合格的成績。
自從由城市理工畢業之後，已經十年多沒有再正式上過學了。今次和以最大的分別，是因為自己的興趣而再回課堂，不象從前是為上學而上學。在這十個多月裡，雖然感到有點辛苦，但整體上過程中是愉快的；雖然說不上是十分用功，但結果是基本上能用日語作一些簡單的對答。最開心的是，以前完全聽不懂的歌詞和對白，現在已經能聽到一點點了。

「わたしは楽しかったです！」

明年，我會繼續初階課程。

被迫自己煮

因為早兩個月太過揮霍無度，今個月終於都有報應喇。為左唔動用緊急儲備(又稱穀種)，唯有慳得就慳，唔出街食，自己買野煮黎食。走入超級市場，十條豬腸粉都只係賣6個幾，出街食最少都要十銀野，再執一堆即食麵、蝦子麵、麵包，加埋罐頭、火腿，最後加多兩塊燒汁雞扒同幾個蘋果，都唔洗一舊水，咁就可以食成個星期，慳唔少呀。
返到屋企又到下午茶時間，蒸(唔係叮)幾條粉腸醫下肚，點知發現冇哂芝麻醬，唯有用花生醬頂住當先，不過多左醬入面d花生碎，食落都幾過癮。
到左晚餐時間，嘍囉準備食雞扒豉油王炒即食麵。先將雞扒煎好，唔洗落油，件扒會自動出油，先用猛火煎封兩面鎖住肉汁，再用慢火煎至金黃色就為之very good喇，然後再用煎出黎的油炒麵，可惜忘記了買椰菜，令到炒麵不夠完美。雞扒表面香脆，內面肉質還很嫩滑，全靠用隻靚鑊(中間有紅點o個隻呢)。之後再食個蘋果飲杯桂圓紅棗茶，咁就兩餐，成本唔洗廿銀。

執屋拾遺─其之二

1996年遊京都金閣寺時買的平安符，一直都無掛出黎，唔怪得之咁多災多難啦。

執屋拾遺─其之一

1999年在富士急遊樂場，乘坐當年世上最高速過山車的紀念品。

冰肌玉骨

最近天氣十分炎熱，嘍囉一向怕熱，在這天氣出街是一件苦事，次次都會弄得一身臭汗，十分不便。不過，女仕們也因應天氣而穿得清爽，男仕們又可以免費悅其眼目了。今日搭地鐵時遇到一位少女，樣子中上，身穿T恤熱褲，白晢的皮膚，和其同行友人的健康膚色相比，更見突出，令人看見後自然有一種清涼的感覺，不禁聯想起蘇軾《洞仙歌》中的一句「冰肌玉骨」，自古文人雖然多大話，但也不是全無根據的。


蘇軾《洞仙歌》

-- 余七歲時，見眉山老尼，姓朱，忘其名，年九十歲。自言嘗隨其師入蜀主孟昶宮中。一日，大熱，蜀主與花蕊夫人夜納涼摩訶池上，作一詞，朱具能記之。今四十年，朱死已久矣！人無知此詞者，但記其首兩句。暇日尋味，豈洞仙歌令乎？乃為足之云。

冰肌玉骨，自清涼無汗。水殿風來暗香滿。繡簾開，一點明月窺人，人未寢，攲枕釵橫鬢亂。

起來攜素手，庭戶無聲，時見書星渡河漢。試問夜如何？夜已三更，金波淡、玉繩低轉。但屈指西風幾時來？又不道流年暗中偷換。

敲膽經

閒來無事睇下書，見近來身體唔多好，就睇下本《人体使用手冊》啦。
原來從咀唇和牙肉的顏色，可以知道一個人的血氣是否足夠，而要由暗黑回復到粉紅色，要花一兩年時間才可調理好身體。嘍囉照鏡睇下，顏色都幾紅潤，證明嘍囉血氣仲好方剛，可能係冇乜點發洩的關係。
書中有教敲胆經，可以刺激胆汁分泌，幫助排毒，仲可以收大腿和屁股，不過一日要敲成二百多下，真係唔容易架。

屎

屎就係屎，不論疴呢舊屎出黎的人身份有幾咁尊貴，屎始終都係屎，一堆令人反胃的臭屎。當你嘆緊早餐時，打開份報紙，睇到張相將兩舊屎遞比你，真係乜野胃口都冇哂。
香港究竟發生咩事？
(本來想post張相出黎，不過都係唔好喇，免得大家一齊反胃。)

我的Forza 2戰車

失魂雨與燕尾禮服

今朝因例行工作要到何你活大飯店一行，離開時在穿梭巴士站遇上燕生燕太。燕生夫婦平時的衣著打扮都十分講究，出入都穿上整齊的燕尾禮服。今日的天氣不太好，剛剛下了一場失魂雨，只見他們夫婦二人站在一旁整理被雨水弄濕了的禮服，樣子十分狼狽，和平時衣冠楚楚的形象大相逕庭。燕先生似乎注意到有路人看到他們的狼狽情形，只見他優雅地拉一拉禮服的下擺，抬頭看天，雙足一蹬，就像一支箭筆直地飛沖上天，然後在半空中突然一個翻身，在空中劃了一個圓圈，輕輕地落在旁邊的屋頂上。之後冷冷地望了嘍囉一眼，再向燕太太叫了一聲，夫婦二人比翼而去，留下嘍囉一人呆立當地。

我‧燭光‧六四

乜太

真的是五十年不變？再睇呢條片你就會發現好多野都無聲無色咁變左。